Зуун буудалт даамын насанд хүрэгчдийн улсын аварга шалгаруулах шигшээ тэмцээн нөгөөдөр эхлэх гэж байна. Есөн өдөр үргэлжлэх уг тэмцээнд өнгөрсөн жилийн медальтнуудаас гадна урьдчилсан шатнаас шалгарсан эрэгтэй, эмэгтэй тус бүр 14 даамчин тойргийн журмаар өрсөлдөх юм.

Тамирчид талдаа 80 минутын цагийн хяналттай нүүх бөгөөд нүүдэл бүрт нэг минут нэмэгдэх Фишерийн системээр тоглох ажээ. Улсын аваргын эхний хоёр байр эзэлсэн тамирчин Тайландын нийслэл Бангкок хотноо болох Азийн аварга шалгаруулах тэмцээнд оролцох эрхтэй болно. Тэмцээнийг Баянзүрх дүүрэгт байрлах “Бадмаараг” төвийн байранд зохион байгуулна.

“СПОРТЫН ШУУДАН”