Канадын Онтарио мужийн Хантсвилл хотноо G8 саммит эхэлж байна. Зургадугаар сарын 26-27 –нд тус орны томоохонд орох Торонто хотноо “Их хорь” (G20) гэсэн бас нэг саммиттай.
G8 буюу “их наймын” уулзалтын хүрээнд Канад, Орос, АНУ, Их Британи, Герман, Франц, Япон ба Италийн лидерүүд цугларч даяарчлалын асуудлын талаар ярилцана. “Эмзэг” эдийн засагтай орнуудын асуудлыг ч авч үзнэ.
“Их хорийн” саммитаар улс орон бүрээс хоёр хоёр бизнесмен оролцсон бизнес саммитийг бас явуулна. Бизнес саммитад G20-ийн орнуудын Сангийн сайд нар ба Канадын ерөнхий сайд Стивен Харпер оролцох гэнэ.
АНУ-д албан ёсны айлчлалаа хийгээд Канадад ирсэн ОХУ-ын ерөнхийлөгч Дмитрий Медведев хоёр саммитад оролцохоос гадна Их Британи ба Японы шинэ ерөнхий сайд нар: Дэвид Кэмерон ба Наото Каннтай хэлэлцээр хийнэ. Мөн тэрээр уламжлал болгосноороо Хятадын дарга Ху Жиньтао ба Италийн Сайд нарын зөвлөлийн дарга Сильвио Берлускони нартай уулзана.