Нийслэл хотод гэмт хэрэг, гамшиг осол, гал түймэр, нийтийг хамарсан үймээн самуун, халдварт өвчин гарсан үед цагдаа, онцгой байдал, эмнэлгий яаралтай тусламжийн байгууллагуудын хамтарсан ажил, үйлчилгээг иргэд, олон нийтэд шуурхай хүргэх зорилготой “Мэдээлэл, шуурхай удирдлагын төв” өнөөдөр албан ёсоор үйл ажиллагаагаа эхлүүллээ.  Тус төвийн нээлтэд Засгийн газрын гишүүн, Монгол Улсын шадар сайд М.Энхболд, Засгийн газрын гишүүн Хууль зүй, дотоод хэргийн сайд Ц.Нямдорж, БНСУ-ын элчин сайд Жон Ил,  БНСУ-ын LG группын гүйцэтгэх захирал болон албаны төлөөлөгчид, шуурхай албадын ажилтана албан хаагчид, хэвлэл мэдээллийн байгууллагын төлөөлөл оролцов.

Энэ оны зургадугаар сараас эхлэн гамшиг, осол, гэнэтийн аюулд өртсөн ард иргэдэд нэгдсэн шуурхай үйлчилгээ үзүүлэх зорилгоор онцгой байдлын галын дуудлага хүлээн авдаг 101, яаралтай түргэн тусламжийн төвийн 103, Цагдаагийн ерөнхий газрын шуурхай бүлэг 102-ыг нэг цэгт төвлөрүүлж нэгтгэн “Шуурхай удирдлагын төв”-д үйл ажиллагаагаа эхэлсэн байна. Ингэснээр иргэд, олон нийтийг гамшгийн аюулаас урьдчилан сэргийлэх болон аврах, хор уршгийг арилгах ажиллагааг цаг алдалгүй гүйцэтгэхээс гадна шуурхай бүлгүүд нэгдсэн мэдээлэлтэй, аврах ажиллагааг нэг дороос   зохион байгуулах нөхцөл бүрдэж байгаа аж.  Нийслэлийн 15 цэгт хяналтын камер суурилуулаад байгаа бөгөөд тус төвд нэгдсэн хяналт хийх юм байна. Мөн   дуудлагаар хөдлсөн шүуурхай албадыг удаж байж ирдэг гэсэн иргэдийн гомдлыг арилгах үүнээс автомашин бүрт мэдрэгч суулгасан байгаа гэнэ. Энэ нь тухайн дуудлганд яваа тэрэг хаана явааг хянах боломжтой болсон байна.

П.Наран