Жүдо бөхийн Зүүн Азийн аварга шалгаруулах тэмцээн тавдугаар сарын  9, 10-ны өдрүүдэд Улаанбаатар хотноо болох гэж байна. Долоо дахь удаагаа зохион байгуулагдаж буй энэхүү тэмцээнд Монгол, БНХАУ, БНСУ, БНАСАУ, Япон, Тайвань, Макао гэсэн долоон орны тамирчид өрсөлдөнө.

Жүдо бөхийн Зүүн Азийн аварга шалгаруулах тэмцээн 2006 оноос хойш зохион байгуулагдаж байгаа юм. Манай улс энэхүү тэмцээнийг эх орондоо хоёр дахь удаагаа зохион байгуулна. Зүүн Азийн анхны аварга шалгаруулах тэмцээн манай улсад 2006 онд болж байсан юм. Тэмцээн Буянт-Ухаа спортын ордонд болно. Тэмцээнийг үнэ төлбөргүй үзэж, Монголын олимпийн жүдо бөхийн баг тамирчдаа дэмжээрэй.   

Б.БИЛЭГ