HTC компанийн хамгийн сүүлд гаргасан загвар болох HTC One M8 ухаалаг гар утас хагас сая ширхэг борлуулагдсан тухай Techi сайтад мэдээлжээ. Уг гар утсыг өнгөрсөн гуравдугаар сарын 25-нд албан ёсоор танилцуулсан ба дөрөвдүгээр сарын 11-нээс дэлгүүрүүдээр худалдаалагдаж эхэлсэн юм.

Худалдаанд гараад сар орчим болж буй энэхүү гар утас 500 мянган ширхэг борлогдсон нь чамлахааргүй үзүүлэлт хэмээн тус компанийн хэвлэлийн төлөөлөгч мэдээлсэн байна.

Т.БИЛГҮҮН