Засгийн газрын үйл ажиллагааны хөтөлбөрийн хэрэгжилтийг сурталчлах, Сангийн сайдын эрхлэх асуудлын хүрээний бодлого, үйл ажиллагааг мэдээлэх зорилгоор өнөөдөр(05.04) Чингисийн талбайд Сангийн яамнаас нээлттэй өдөрлөг зохион байгууллаа.

Энэхүү өдөрлөгийн үеэр Төрийн банкныхан сагсан бөмбөг, гар зургийн уралдаан, Татварын ерөнхий газраас шатрын тэмцээнийг иргэдийн дунд тус тус зохион байгуулжээ.

Татварын ерөнхий газар, "Цэцэн нүүдэл" клуб хамтран зохион байгуулсан шатрын тэмцээнд 18-70 насны 26 иргэн оролцжээ. Иргэдийн дунд болсон тэмцээнд С.Энх-Амгалан тэргүүлж, С.Цогтсайхан, Ж.Батцэнгэл нар удаах байруудад шалгарсан байна.

Төрийн банкнаас залуучуудын дунд "3 эсрэг 3" сагсан бөмбөгийн тэмцээнийг зохион байгууллаа. 12 баг оролцсоноос "Өгөөмөр" баг түрүүлж, "Старс", "Дайчин" багууд удаалжээ.

Ч.БОЛОР