Мөсөн талбайд уран гулгалтын гайхамшгийг үзүүлж, нэгэн цаг үед энэ спортын хатан хэмээн өргөмжлөгдөж явсан Ким Юнагийн "All That Skate-2014" шоу БНСУ-ын Сөүл хотноо тавдугаар сарын 4-6-ны өдрүүдэд болж байна.

"Сочи-2014" өвлийн олимпийн наадмаас мөнгөн медаль хүртэж, зодог тайлсан Ким Юна Севолын усан онгоцонд амиа алдагсдад эмгэнэл илэрхийлж, НҮБ-ын элч төлөөлөгчийн зүгээс ар гэрийнхэнд нь туслах санд 100 мянган ам.долларыг хандивлажээ.

Сочийн олимпийн дараа зодог тайлсан дэлхийн хоёр удаагийн аварга, олимпийн алт, мөнгөн медаль нэрт уран гулгагчийн Ким Юнагийн шоунд дэлхийн шилдэг гулгагчдаас уригджээ. Сочийн олимпийн наадмын эрэгтэйчүүдийн ганцаарчилсан төрлөөс хүрэл медаль хүртсэн Казахстаны Денис Тен, мөн тус олимпийн хосын төрлөөс хүрэл медаль хүртсэн ОХУ-ын Татьяна Волосожар, Максим Траньков нарын шилдэг уран гулгагчид оролцох аж.

Дөрвөн жилийн дараа болох "Пёнчан-2018" өвлийн олимпийн наадмын элч төлөөлөгчөөр сонгогдсон БНСУ-ын нэр уран гулгагч Ким Юнагийн шоуны өмнөх фото агшнаас хүргэж байна. Тэрээр Frozen” хүүхэлдэйн киноны “Let It Go” дууг дуулсан бичлэгийг хүргэж байна.

Ч.ШАРХҮҮ