Германы Штуттгарт хотноо болсон Porsche Tennis Grand Prix тэмцээнд ОХУ-ын Мария Шарапова түрүүлэв. Тус тэмцээний шигшээд шалгараад байсан Мария Шарапова, Сербийн Ана Иваннович нарын тоглолт өнгөрсөн шөнө болж, 3:6, 6:4, 6:1-ийн харьцаагаар Шарапова ялалт байгуулав. 1978 оноос эхтэй тус тэмцээнд Шарапова сүүлийн гурван жил дараалан түрүүлээд байна.

Тус тэмцээнд зургаад эрэмбэлэгдсэн Мария Шарапова шөвгийн наймд тэмцээнийг тэргүүлсэн Польшийн Агнешка Радваньска, хагас шигшээд Италийн Сара Эррина нарыг буулган авснаар шигшээд шалгарсан. Есд эрэмбэлэгдсэн Ана Иваннович нутгийн теннисчин Елена Янковичийг буулган авснаар шигшээд шалгарчээ.

Тэмцээний хосын төрөлд Италийн Сара Эррина, Роберта Винчи нар түрүүлжээ.

Ч.БОЛОР