Нийслэл хотын Сонгинохайрхан дүүргийн Баянхошууны нутаг дэвсгэрт өнгөрөгч долоо хоногт томоохон хэмжээний зам тээврийн осол гарсныг бид өмнө нь мэдээлж байсан. Энэхүү ослын улмаас дөрвөн хүн нас барж, 24 хүн хүнд, хөнгөн бэртэн, Гэмтлийн эмнэлэгт хүргэгдсэн юм. ГССҮТ-ийн Яаралтай тусламжийнүйлчилгээ эрхэлсэн дэд захирал Р.Энхсайхан уулзаж, хохирогчдын биеийн байдлыг тодрууллаа.

-Осолд орсон хүмүүсийн биеийн байдал ямаршуухан байна?

-Дээрхи осолд бэртэж гэмтсэн хүнд, дунд зэрэг гэмтэлтэй 24 хүн манай эмнэлэг дээр хүргэгдэж ирсэн.    Сэхээн амьдруулах тасагт яаралтай хагалгаанд орсон хүмүүсийн биеийн байдал хүндхэн байна.  Манай эмнэлэг бүрэн бүрэлдэхүүнээрээ ажиллаж байгаа.  Ерөнхийдөө анхан шатны үзлэг шинжилгээ дуусаад, төлөвлөгөөт мэс засал, эмчилгээг үе шаттайгаар хийж байна.

-Тоосго ачиж явсан шаланз машины жолооч Г-гийн биеийн байдал муу байгаа гэж дуулдсан?

-Яаралтай хагалгаанд орсон. Сэхээн амьдруулах тасагт эрчимт эмчилгээ  хийж байгаа. Өвчтөн тархи болон цээжний  хавсарсан хүнд гэмтэлтэй, биеийн байдал маш тааруу байна.