АНУ-ын Калифорнид төвтэй Gateway компани ID серийн шинэ лэптопуудаа танилцуулжээ. Компанийн зүгээс эдгээр шинэ бүтээгдэхүүнээ нимгэн, гадаад үзэмж сайтай хэмээн тодорхойлж байна.

ID цувралд багтсан бүх лэптопын touchpad нь усан цэнхэр өнгөтэй, гараараа хүрэх үед гэрэлтэх гэнэ. Эхний ээлжинд тус компани Gateway ID49 болон Gateway ID59 загварын хоёр нөүтбүүкийг гаргасан бөгөөд ID49 нь 14 инч хэмжээтэй, 2,3 кг жинтэй бол ID59 нь 15,6 инч, 2,5 кг жинтэй юм. Энэхүү хоёр лэптоп нь хоёул LED гэрэл бүхий LCD дэлгэцтэй, хөнгөн цагаан хайлшин гадаргуутай бөгөөд HDMI гаралттай, мемори карт уншигчтай, 500GB HDD-тэй, 1,3 мегапиксель вэбкамертай ажээ.

Харин үнийн тухайд ID59 нь 799.99 ам.доллараас эхлэх бол ID49 нь үзүүлэлтээсээ хамаарч 679.99 ам.доллараас эхлэх юм байна.

С.Цэлмэг