Пентагоны дэвшилтэт технологийн судлаачдын бүтээл болох Атлас роботыг АНУ-ын Батлан ​​хамгаалахын нарийн бичгийн дарга Chuck Hagel үзэж  танилцлаа.

Энэхүү робот нь өнгөрсөн оноос эхлэн хөгжүүлэлт нь хийгдэж байгаа ба 187 см өндөртэй аврагч робот юм. Газар хөдлөлт, цунами, хар салхи зэрэг байгалийн гамшгийн үед голомтоос хүмүүсийг аврах даалгавар гүйцэтгэх ба тэгш бус гадаргуу дээр гайхалтайгаар тэнцвэрээ олж, хүний биеийн дулаан болон дуу хоолойг таньж хайлт хийх аж.

Аврах бай буюу хүнээ олсныхоо дараа тухайн хүний гар хөл, бие зэрэг нь нурангид дарагдсан эсэхийг өөрөө тодорхойлж, бүрэн чөлөөлснийхөө дараа дээш өргөн зөөвөрлөх гэнэ.

Энэхүү роботыг хөгжүүлэх ажил хараахан дуусаагүй ба олон хүний амь аврах гайхалтай бүтээл болно гэдэгт итгэлтэй байгаагаа бүтээгчид нь дурьджээ.