Украины аюулгүй байдлын алба (УАБА)-ныхан Киев хотоос гадаадад үйлдвэрлэсэн нэг сая гаруй ширхэг сум хураасан байна. Тэдгээр сумыг 2014 оны эхээр нийслэлийн нэг байгууллагын нэрээр /нэрийг нь нууцлав/ ангийн бууны сум хэмээн мэдүүлж, хил нэвтрүүлжээ. Гэтэл тэр нь байлдааны зэвсгийн сум байсан гэнэ.

Шүүхийн шийдвэрийн дагуу сумыг хураасан бөгөөд хууль бус наймаа гэсэн үндэслэлээр эрүүгийн хэрэг үүсгэжээ. Сум чухам хэний эзэмшилд байсныг харин мэдээлээгүй байна.

Өнгөрсөн хоёр сарын хугацаанд УАБА-аас галт зэвсэг, сум, тэсрэх бодис хураах 155 удаагийн ажиллагаа явуулж, 700 буу, 200 кг тэсрэх бодис, таван зуун тэсрэх төхөөрөмж хураажээ. Мөн 64 хүнийг Захиргааны болон эрүүгийн татсан байна. Энэ жилийн эхнээс Украинд зэр зэвсэг ихээр алга болсон ба Львов хотын цагдаагийн газраас гэхэд 1000 орчим Макаров гар буу, 170 гаруй Калашниковын автомат, мэргэн буу, 123 пулемёт алга болжээ.