Өнөө шөнө шийдвэрлэх тоглолтыг Данийн шигшээгийн эсрэг хийх гэж байгаа Японы шигшээ багийн ерөнхий дасгалжуулагч Такеши Окада Дани улсын шилдэг довтлогч “Арсенал” багт тоглодог Никлас Бентнэрээс тун болгоомжилж байгаагаа нуусангүй. Өчигдөр тэрбээр бэлтгэлийнхээ дараа сэтгүүлчидтэй уулзаж ярилцах үеэрээ ингэж хэлжээ. Окада Данийн шигшээ багийн тоглолтын бичлэгийг үзээд хамгаалалтандаа голлон анхаарах хэрэгтэй гэж үзсэн байна. Тэрбээр Данийн шигшээ багийн талаар ярихдаа “Данийн шигшээ баг маш сайн зохион байгуулалттай, үнэхээр сайн баг, Гэхдээ тэдний эсрэг бид хамгийн сайн хамгаалалтаа гарган тоглоно. Гол нь бид тоглолтын туршид аль болох удаан хугацаагаар бөмбөгийг эзэмшиж чадвал ялалт биднийх болно” гэж хэлжээ