Английн “Манчестер Юнайтед” багийн удирдлагын зүгээс ерөнхий менежер Дэвид Мойесийг ажлаас нь чөлөөлж буйгаа албан ёсоор зарлалаа. Энэ талаарх мэдээлэл өчигдрөөс эхлэн Британийн хэвлэлүүдээр гарч байсан "Манчестер Юнайтед"-ын зүгээс албан ёсны тайлбар хийгээгүй байсан юм. Харин саяхан тус клубын удирдлага Дэвид Мойесийг ажлаас нь чөлөөлж буй талаар мэдэгджээ. Ингэснээр улирал дуустал багийн туршлагатай тоглогч Райан Гиггз ахлах дасгалжуулагчийн үүрэг гүйцэтгэхээр болсон байна. Харин "Манчестер Юнайтед"-ын дараагийн
дасгалжуулагч хэн болох тухайд Луй Ван Гааль, Юрген Клопп нарын нэр
хүчтэй яригдаж байна.

Дэвид Мойес “Манчестер Юнайтед” багийг арван сарын хугацаанд дасгалжуулахдаа түүхэнд нь байгаагүй муу амжилтыг үзүүлсэн юм. Тэрээр домогт Сэр Алекс Фергюсоныг тэтгэвэртээ гарсны дараа буюу 2013 оны зургадугаар сараас эхлэн хөлбөмбөгийн хамгийн агуу түүхтэй “Манчестер Юнайтед” багийг удирдах болсон юм. Дэвид Мойес “Манчестер Юнайтед” багийг дасгалжуулахдаа олон сөрөг амжилтыг эзэн болсныг Их Британийн BBC онцоллоо. Үүнийг дурдвал,

-Английг хөлбөмбөгийн дээд лигийг “Премьер лиг” гэж нэрлэх болсноос хойш “Эвертон”, “Манчестер Сити”, “Ливерпүүл” багт “Манчестер Юнайтед” нэг улиралд анх удаа талбайдаа болон талбайд нь хожигдлоо.

Үүнээс “Эвертон” баг 1969 оноос хойш буюу 45 жилийн дараа анх удаа “Манчестер Юнайтед” багийг талбайдаа болон талбайд нь хожжээ.

-“Манчестер Юнайтед” баг “Примьер лиг”-т анх удаа эхний минутанд гоол алдсан. “Манчестер Юнайтед” баг түүхэндээ тоглолтын эхний минутад гоол алдаж байгаагүй юм. Гоолыг “Манчестер Сити” багийн довтлогч Эдин Жеко оруулсан.

-“Манчестер Юнайтед” анх удаа “Примьер лиг”-ийг энэ улирал хамгийн бага оноотой дуусгахаар боллоо. “Ман Юнайтед” энэ жил хамгийн ихдээ 69 оноо авах боломжтой байна.

-“Манчестер Юнайтед” 1995 оноос хойш анх удаа Европийн хөлбөмбөгийн холбооны “Аваргуудын лиг”-т тоглох боломжгүй боллоо.

-“Манчестер Юнайтед” энэ жил сүүлийн 10 жилтэй харьцуулахад  талбайдаа муу тоглож байгаа гэнэ.

-Мөн 2001 оноос хойш анх удаа энэ улиралд “Примьер лиг”-т гурван тоглолт дараалан хожигдсон.

-“FA cup” тэмцээний гуравдугаар шатнаас хасагдсан. Ийм зүйл Сэр Алекс Фергюсоны  удирдлага дор ганц л тохиосон байна.

-Уэльсийн “Свонси Сити” багт анх удаа талбайдаа хожигдсон.

-1972 оноос хойш анх удаа “Ньюкассль” багт талбайдаа хожигдсон.

-1978 оноос хойш анх удаа “Вест Бромбич Албион” багт талбайдаа хожигдсон.

-1984 оноос хойш анх удаа “Стоке Сити” багт хожигдсон.