Төрийн ордноо Засгийн газрын ээлжит хуралдаан болж байна. Чуулганы завсарлагын үеэр ажлын өдрүүдэд хуралдаж байсан Засгийн газрын хуралдаан УИХ-ын хаврын чуулган эхэлсэнтэй холбоотойгоор бямба гариг бүрт тогтмол хуралдахаар болсон юм.

Өнөөдрийн хуралдаанаар нийт 14 асуудал хэлэлцэж, зургаан танилцуулга сонсох аж. Эхэнд Гадаад харилцааны сайдын Саудын Арабын Вант Улсад хийх айлчлалын тухай, УИХ-ын гишүүн С.Эрдэнийн санаачлан боловсруулсан Хамтын тэтгэврийн тухай хуулийн төсөлд Засгийн газраас өгөх санал, дүгнэлтийн тухай, Ашигт малтмалын тухай хуульд нэмэлт, өөрчлөлт оруулах тухай хуулийн төсөл болон дагалдах хуулиудын төсөл, Орон гэргүй тэнэмэл амьдралтай иргэдийг нийгэмшүүлэх хөтөлбөр, төлөвлөгөөний хөтөлбөр батлах, Гэр бүлийн тухай хуулийн шинэчилсэн найруулгын төслүүд зэргийг хэлэлцэж бол дараагаар нь “Аймаг бүрт баригдах 1000 айлын орон сууц” төслийн ажлын явцын тухай, НҮБ-ын Хүнс, хөдөө аж ахуйн байгууллагын Ази, Номхон далайн бүсийн 32 дугаар бага хурлыг зохион байгуулсан тухай зэрэг танилцуулгууд төлөвлөгөөнд багтсан байна.