Драмын урлагийн шилдгүүдийг тодруулах “Гэгээн Муза” наадмын зохион байгуулагчид өнөөдөр “Blue sky tower-т хэвлэл мэдээллийн ажилчдад мэдээлэл хийлээ.

Тус мэдээлийн үеэр зохион байгуулагчид 40 гаруй уран бүтээлээс 21 бүтээлийг “Гэгээн муза” наадмын хоёрдугаар шатанд өрсөлдөхөөр болсон байна. Хоёрдугаар шатанд шалгарсан 21 бүтээлийг тавдугаар сарын 12-18-ны хооронд шүүх ажээ. Харин тавдугаар сарын 19-нд Драмын урлагийн уран бүтээлчдийн "Улаан хивсний ёслол" болох бөгөөд шилдэг уран бүтээл болон уран бүтээлчдийг тодруулах юм. Мөн уран бүтээлчдэд зохион байгуулагчдын зүгээс цагаа барихыг анхааруулж байлаа. Энэ жилийн “Улаан хивсний ёслол” нь Чингисийн талбайд болох бөгөөд уран бүтээлчид 30-40 минут улаан хивсэн дээр зочлох гэнэ. Мөн шилдэгийн шилдэг уран бүтээл, уран бүтээлчдийг шалгаруулах ёслолоо Соёлын төв өргөөний тайзнаа хийх нь ээ.

“Гэгээн муза” академийн зүгээс тус мэдээллийн үеэр өрсөлдөж буй уран бүтээлчдэд оролцох урилгыг нь хүлээлгэн өгсөн юм.

Энэ жилийн “Гэгээн муза” наадмын онцлог нь тус наадамд экспертийн баг оролцож байгаа бөгөөд тус баг нь шүүлтэнд оролцохгүй бөгөөд хяналт тавих үүрэгтэй ажээ. Тус багт ССАЖЯ-ны төлөөлөл болон ивээн тэтгэгч байгууллагын төлөөлөгчид оролцох юм.

Ингээд “Гэгээн муза” наадмын сүүлчин шатанд шалгарсан 21 бүтээлийг та бүхэндээ хүргэе.

1.    Чоно ба долоон ишиг
2.    Кихот ноён
3.    Ээрэн хүрээ
4.    Норовын намтар
5.    Ромео Жульетта
6.    Хүний дуу хоолой
7.    Шүтээн гэмээр диван
8.    Наташагийн мөрөөдөл
9.    Монгол шатрын домог
10.  Солиорол
11.   Бичлэг
12.   Сандлууд
13.   Сэрүүн хасын нууц
14.   Эрх цагаан унага
15.   Хүлээлт
16.   Тэнгэрийн аялгуу
17.   Ван хүний үр
18.   Муурын байшин
19.   Хоёр хүний дэмийрэл
20.   Гоолингоо

Эдгээр уран бүтээлүүд нь дараах таван төрлөөс шагнал хүртэхээр өрсөлдөж буй.

1.    Драмын жүжгийн төрөл
2.    Дуулалт жүжгийн төрөл
3.    Хүүхдийн жүжгийн төрөл
4.    Нэг хүний жүжгийн төрөл

Эдгээр төрлүүдэд шилдэг уран бүтээлчдийг шалгаруулах ажээ.