УИХ-ын чуулганы хуралдаан 15.40 цагт эхэллээ. Үдээс хойшхи хуралдаанаар Засгийн газарт чиглэл өгөх тухай УИХ-ын тогтоолын төслийн хэлэлцүүлэг үргэлжлэх байсан ч энэхүү тогтоолын төслийг засч, найруулах зүйл байгаа учраас  эргүүлэн татах санал гарсан учраас Засгийн газарт чиглэл өгөх тухай тогтоолын төслийг эргүүлэн татлаа. 

Үүний дараа чуулганы хуралдаанаар Соёлын өвийг хамгаалах тухай хуулийн шинэчилсэн найруулга болон холбогдох бусад хуульд нэмэлт, өөрчлөлт оруулах тухай хуулийн төслийг хэлэлцүүлгийг үргэлжлүүллээ. Энэ хуулийн төслийг хэлэлцүүлгийг өнгөрсөн нэгдүгээр сард буюу хаврын чуулганаар анхны хэлэлцүүлгийг хийсэн. Тиймээс ажлын хэсгээс гарсан зарчмын зөрүүтэй саналуудын санал хураалтаар чуулганы хуралдаан үргэлжилж байна.