Арилжааны банкуудад орон сууц шинээр худалдан авахыг хүссэн иргэдээс өнөөдрийн байдлаар нэг их наяд төгрөгийн ипотекийн зээлийн өргөдөл ирээд байгаа талаар Монголбанкнаас мэдээллээ. Үүнээс 17867 иргэнд 999.7 тэрбум төгрөгийн орон сууцны ипотекийн зээл шинээр олгохоор шийдвэрлэсэн байна.

Харин өмнө нь орон сууцны зээл авсан зээлдэгчдээс 845.8 тэрбум төгрөгийн зээлийг найман хувийн хүүтэй зээлийн эх үүсвэрээр дахин санхүүжүүлэх хүсэлт банкуудад иржээ. Үүнээс банкууд 17786 зээлдэгчийн нийт 507.7 тэрбум төгрөгийн ипотекийн зээлийг дахин санхүүжүүлж, найман хувийн зээлд шилжүүлсэн байна.