Жүжигчин Мила Кунис хайрт залуу Эштон Катчертаа өөрийгөө дуурайсан бяцхан гүнж төрүүлж өгөх гэнэ. Хосууд анхны хүүхдээ өлгийдөн авахыг тэсэн ядан хүлээж байгаа юм. Мила Кунис саяхныг хүртэл хөл хүнд болсноо хүлээн зөвшөөрөхгүй байсан ч гэнэт л олны өмнө охинтой болно хэмээн мэдэгдсэн аж.

Харин Эштон Катчерийн хувьд охин хүүхэд өсгөх тал дээр Мила Кунисаас илүү туршлагатай гэж хэлж болно. Учир нь Эштон Катчер экс эхнэр Деми Мурын гурван охинд зургаан жилийн турш аавын үүргийг гүйцэтгэсэн юм. Эштон Катчер Демитэй 2005 онд гэр бүл болоход охид нь 11-17 настай байсан аж.