Нийгмийн даатгалын сангийн орлого энэ оны эхний улирлын байдлаар 313 орчим тэрбум төгрөг, зарлага 302,8 тэрбум төгрөг болсон талаар Үндэсний статистикийн хорооноос мэдээллээ. Энэ нь өмнөх оны мөн үеийнхтэй харьцуулахад орлого 5.1 тэрбум төгрөг буюу 1.6 хувь, зарлага 32.8 тэрбум төгрөг буюу 12.2 хувиар өссөн дүн ажээ.

Нийгмийн даатгалын сангийн орлого өсөхөд эрүүл мэндийн даатгалын сангийн орлого 12.8 хувь, үйлдвэрлэлийн осол, мэргэжлээс шалтгаалах өвчний болон тэтгэмжийн даатгалын сангийн орлого 21-25 хувиар өссөн нь голлон нөлөөлсөн байна. Зарлагын хувьд, жилийн өмнөхөөс нэмэгдэхэд ажилгүйдлийн даатгалын сангийн зарлага 31.6 хувиар буурсан хэдий ч тэтгэврийн даатгалын сангийн зарлага 18.3 тэрбум төгрөг буюу 8.5 хувь, эрүүл мэндийн даатгалынх 12.1 тэрбум төгрөг буюу 43.6 хувиар өссөн нь голлон нөлөөлжээ.