Нийслэлийн Сүхбаатар дүүргийн цагдаагийн хэлтсийн албан хаагч өнөөдөр 21.00 цагийн орчимд Баянгол дүүргийн нутаг дэвсгэр Гандантэгчинлэн хийдийн орчимд галт зэвсэгтэй этгээдийг илрүүлжээ. Биедээ галт зэвсэг авч явсан этгээд зугтсан бөгөөд цагдаагийн ажилтан түүнийг барихаар хөөгөөд сураггүй болсон байна. Дээрх мэдээллийн дагуу Сүхбаатар дүүргийн цагдаагийн ажилтнууд биедээ буу авч яваа этгээд болон түүнийг барихаар хөөсөн цагдаа нарыг хайж байгаа гэнэ.