Зурагтын шинэ эцсийн буудлаас Баянхошууны уулзвар хүртэлх 4.6 км авто замын өргөтгөл, шинэчлэлтийн ажлын тендерийг Нийслэлийн Худалдан авах ажиллагааны газраас зарлаад байсан юм. Тэгвэл тус тендерт "Экспресс зам" ХХК шалгарснаар Нийслэлийн Авто замын газартай гэрээ байгуулж, ажлаа эхлүүлэх болж байгаа аж. Гэрээнд тусгагдсанаар дээрх 4.6 км авто замыг ирэх аравдугаар сарын 30-нд дуусгаж хүлээлгэж өгөх юм байна.

Харин авто замыг шинэчлэх хүрээнд замын трасст орсон 200 гаруй өрхийн хашааг татах шаардлагатай юм байна. Тиймээс Нийслэлийн Өмчийн харилцааны газраас траст орсон айлуудад газар чөлөөлөх мэдэгдлийг хүргүүлжээ.