УИХ-ын Хууль зүйн байнгын хорооны
хуралдаан 15.45 цагт эхэлж, Засгийн газрын гишүүнийг огцруулах
тухай тогтоолын төслийг хэлэлцэх байсан ч уг асуудлыг хэлэлцэхээ хойшлууллаа. Учир нь Д.Ганбат гишүүн "Хэлэлцэх асуудалтай холбоотой мэдээлэл Байнгын хорооны гишүүдэд бага байна. Тиймээс шаардлагатай мэдээлэл авсныхаа дараа асуудлыг хэлэлцье" гэсэн горимын санал гаргасныг хуралдаанд оролцсон 15 гишүүний арав нь дэмжсэнээр эл асуудлыг тодорхойгүй хугацаагаар хойшлуулав.

УИХ-ын
гишүүн
О.Баасанхүү өнгөрсөн долоо хоногт Хууль зүйн сайд Х.Тэжүүжинг огцруулах
тухай тогтоолын төслийг УИХ-д өргөн барьсан байгаа. Хууль зүйн байнгын
хорооны өнөөдрийн хурлаар энэ асуудлыг буюу Засгийн газрын гишүүнийг огцруулах
тухай тогтоолын төслийг хэлэлцэх байсан юм.

Тус байнгын хорооны өнөөдрийн хуралдаанд өөр хэлэлцэх асуудал байгаагүй тул хуралдааныг хаалаа.