АНУ-ын Сангийн яам, Крымын салан тусгаарлагчид ба нэгэн хийн компаний эсрэг хориг арга хэмжээ аван Оросын “Газпромд” тус компанийг худалдан авахад нь хүндрэл бий болгов. Хориг арга хэмжээнд Савестополь хотын захиргааны тэргүүн Андрей Чалый, Оросын талд орсон Крым дэх Украины Аюулгүйн албаны тэргүүн асан Петр Зима, Крымын дэд тэргүүн рустам Темиргалиев, мөн Сергей Цеков, Юрий Жеребцов, Михаил Малышев, Валерий Медведев нар хамрагдсан талаар Reuters мэдээлжээ.

"Черноморнефтегаз" компанийн Крымын салбарт хориг тавьсан ба түүний Украинд байдаг төв компани нь хоригт хамрагдсангүй. Гэсэн ч уг хориг нь Крымын "Черноморнефтегазын" хувьцааг худалдан авах гэж байсан Оросын "Газпромд" саад боллоо. Оросууд түүнийг худалдан авбал, хориг “Газпромд” үйлчилж эхлэх юм.

АНУ-ын төлөөлөгч мэдэгдэхдээ, булаан эзлэгдсэн гэж үзэж байгаа Крымд хөрөнгө оруулалтыг нь хаах зорилготой гэжээ.

Дөрөвдүгээр сарын 10-нд Европын холбоо Оросын эсрэг хоригоо өргөтгөн 107 хүн болгоод байгаагаас бараг бүх лидерүүдийг нь хамааруулжээ.