ОХУ-ын Ханты Мансийск хотноо Олон улсын шатрын холбоо /FIDE/-ны эмэгтэйчүүдийн Гран-при тэмцээний дөрөв дэх цуврал дөрөвдүгээр сарын 9-нд эхэлсэн юм. Дэлхийн шилдэг 12 шатарчин өрсөлдөж буй "Том цом"-д "Мончесс" клуб, Үндэсний шигшээ багийн тамирчин их мастер Түвшинтөгсийн Батчимэг оролцож байна. Одоогоор тэмцээний хоёр өргийн тоглолт болсноос их мастер Т.Батчимэг Украины Анна Музычук, БНХАУ-ын Хоу Юфань нарт ялагдаад байна. Тэмцээн энэ сарын 22-нд өндөрлөнө.

Дашрамд дуулгахад, өнгөрсөн оны зургаадугаар сард Арменийн Дилижан хотод болсон "Гран при" тэмцээний гурав дахь цувралд их мастер Т.Батчимэг VII байр эзэлж байсан юм.