Цаг уур, орчны шинжилгээний газрын мэдээлснээр өнөөдөр Дорнод, Сүхбаатарын нутаг Хэнтийн өмнөд хэсгээр 36 градусыг давж халах тул цаг агаарын хэт халалт, аюултай үзэгдлээс сэрэмжлэхийг анхааруулж байна.
Түүнчлэн нутгийн баруун хагаст үүлшинэ. Баруун болон төвийн нутгийн зарим газраар түр зуурын бороо орно. Дуу цахилгаантай. Бусад нутгаар багавтар үүлтэй. Бороо орохгүй. Салхи ихэнх нутгаар өмнөөс секундэд 5-10 метр, зарим газраар түр зуур секундэд 16 метр хүрч ширүүснэ. Алтай, Хангай, Хөвсгөлийн уулархаг нутгаар 21-26 градус, Говийн бүс нутаг болон Дорнод Монголын тал нутгаар 34-39 градус, бусад нутгаар 31-36 градус халуун байна гэж тус газраас мэдээллээ. Улаанбаатар хотын хувьд үүлшинэ. Бороо орохгүй. Салхи зүүн өмнөөс секундэд 9-14 метр байх ба өдөртөө 34-36 градус дулаан байна.
Өглөөний 05 цагт Улаанбаатарт: 25 градус дулаан, харьцангуй чийг 22 хувь, агаарын даралт 862 гектопаскаль байлаа. Даралт өдөртөө буурна.
Б.Энх