Өмнөд Солонгосын LG компани OLED ширээний гэрэл бүтээснээ албан ёсоор танилцууллаа. Энэ нь дэлхийд худалдаалагдаж буй хамгийн анхны OLED хавтан ашигласан гүдгэр гадаргуу бүхий ширээний чийдэн юм байна.

Энэхүү ширээний чийдэнг ухаалаг гар утас болон таблетаар удирдаж, асааж унтрааж болдог байна. Мөн гэрлийнхээ тод бүдгийг тохируулах, асаж унтрах цагийг тохируулах зэрэг боломжуудтай аж. Харин энэхүү гэрлийг хэзээ худалдаанд гаргах болон үнийн талаар мэдээлээгүй байна.