УИХ-ын гишүүн Ё.Отгонбаярыг БСШУ-ы сайдаар ажиллаж байх үедээ албан тушаалаа урвуулан ашигласан, их хэмжээний мөнгө хувьдаа завшсан, бусдыг айлган сүрдүүлж, дээрэмдэх хэргийг захиалсан гэх хэргүүдийг АТГ-т шалгаж байгаа. Одоогоор хэргийн мөрдөн байцаалтын явцад татварын байгууллагаас шаардагдах материал, баримтуудыг авч, мөрдөн байцаалтыг үргэлжлүүлж байгаа аж.

Ё.Отгонбаярын бусдыг айлган сүрдүүлж авлига авахыг завдсан эсэх хэргийг сануулахад, 

-2013  оны гуравдугаар сарын 20-нд Ч гэгч “Энхтайваны гүүрэн дээр явж  байгаад хэсэг залууст  зодуулж,  машинаа дээрэмдүүллээ” гэх мэдээллийг УМБГ-т ирүүлсэн байдаг. Тэрээр цагдаагийн байгууллагад гомдол гаргахдаа “Одоогийн УИХ-ын гишүүн Ё.Отгонбаяр БСШУ-ы сайд байхдаа  миний Налайх дүүрэгт барьсан барилгын зөвшөөрлийг өгөхгүй байсан. Улмаар барилга хүлээн авахдаа  орлогын 1/4 буюу 230 сая төгрөг өгөхийг санал болгосон. Энэ саналыг нь хүлээн аваагүй  учраас бүлэг залуусаар зодуулж, Ланд-200 машиныг нь дээрэмдүүллээ”  гэж мэдээлсэн байдаг. Иргэн Ч-гийн гаргасан гомдлын хүрээнд мөрдөн  шалгах ажиллагаа явуулахад  дээрх мэдээллүүд нь батлагдсан бөгөөд Ё.Отгонбаяр бусдаас авилга авахыг санал болгосон нь холбогдох баримтуудаар нотлогдсон талаар УМБГ-аас мэдээлж байсан юм.

Хэргийн мөрдөн байцаалт үргэлжилж байна.