Монгол Улсын Ерөнхийлөгчөөс санаачилсан Монгол Улсын Засгийн газрын тухай хуульд өөрчлөлт оруулах тухай, УИХ-ын тухай хуульд өөрчлөлт оруулах тухай тухай хууль буюу Засгийн газрын гишүүдийн “давхар дээл” тайлах төслийг маргааш УИХ хэлэлцэнэ. Үүнтэй холбогдуулан МАН-ын бүлгийн зүгээс Засгийн газрын 17 сайдыг өөрсдийг нь эл асуудлыг батлахад санал өгүүлэхгүй байх шаардлага хүргүүлээд байсан юм.

Тэгвэл Барилга, хот байгуулалтын сайд Ц.Баярсайхан УИХ-ын даргад албан тоот хүргүүлжээ. Албан тоотод, “Монгол Улсын Ерөнхий сайд УИХ-ын гишүүн байх, мөн Засгийн газрын танхимын гишүүдийн тодорхой хэсэг нь УИХ-ын гишүүн баж болох заалтын хувьд саналаа өгөх нь УИХ-ын чуулганы дэгийн тухай хуулийн 3.1.6, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай холбогдох хууль заалтуудыг зөрчихгүй гэж үзэж байна. Харин хуулийг мөрдөх хугацааны хувьд санал хураалтад оролцохгүй байх нь дээрх хуульд нийцнэ гэж үзэж байгаа тул хуулиудыг мөрдөх хугацаатай холбогдох санал хураалитад оролцохгүй гэдгээ илрхийлье” гэсэн албан тоот хүргүүлжээ.