Монгол Улсын Засгийн газар, Хөдөлмөрийн яамнаас “Үндэсний мэргэжилтэй ажилтан бэлтгэх хөтөлбөр”-ийг хоёр дахь жилдээ зохион байгуулж байгаа билээ. Энэхүү хөтөлбөрийн хүрээнд “Баялагийг бид бүтээнэ” уриан дор Улаанбаатар хотод байрлах МСҮТ-ийн оюутнууд өнөөдөр Туул гол орчмын хогийг цэвэрлэлээ. Их цэвэрлэгээг тус хөтөлбөрт хамрагдсан оюутнууд санаачилсан бөгөөд 1000 орчим оюутан хамрагдаж байгаа ажээ. Тэд энэ удаад Баянзүрхийн гүүрээс Яармагийн гүүр хүртэлх нийт 16 орчим километр газрын хогийг цэвэрлэв.