Нарны эрчим хүчийг энгийн хэрэглэнэд ашиглах нь шинэ зүйл биш. Харин үүнийг илүү энгийн болгож, өдөр тутмын хэрэглээндээ хэрэглэх боломжийг эрэлхийлж, Nokia компани нэгэн сонирхолтой туршилт хийжээ.

Энэ нь нарны энерги хуримтлуулагч тусгай хавтангууд бүхий “Solar Energy Suit” нэртэй хувцас юм. Хэдийгээр хуяг дуулга шиг нүсэр харагдаж байгаа ч уг хувцасыг өмсөөд наранд байхад их хэмжээний энерги цуглуулж, гар утсаа шууд цэнэглэх гэнэ.

Анхны загвар учраас хэт нүсэр бүтэцтэй байгаа ч яг энэ санаан дээрээ тулгуурлан авсаархан байнга биедээ авч явах боломжтой, нарны цэнэглэгчийг бүтээхээр тус компанийн хөгжүүлэгчид ажиллаж байгаагаа мэдээлсэн байна.