УИХ дахь Ардчилсан намын бүлгийн хуралдааны завсарлага дуусч үдээс хойшхи хуралдаанаа эхлээд байна. Тус бүлгийн ажлын албанаас хэвлэлийнхэнд хандан бүлгийн хуралдааны талаарх мэдээллийг маргааш 11.00 цагт өгнө гэж хэллээ.

Бүлэг өнөөдөр таван асуудал хэлэлцэхээр төлөвлөснөөс эхний асуудлаа ч дуусгаж амжаагүй байгаа юм. Тодруулбал, Ерөнхий сайдын мэдээллийг сонсч буй. Мөн УИХ-ын даргын мэдээллийг сонсохоос гадна УИХ-ын 2014 оны хаврын ээлжит чуулганаар хэлэлцэх асуудлын тухай УИХ-ын тогтоолын төслийг хэлэлцэх, Ашигт малтмалын тухай хуульд нэмэлт, өөрчлөлт оруулах тухай хуулийн төслийн талаар Уул уурхайн сайдын мэдээллийг сонсохоор төлөвлөсөн юм.

УИХ дахь МАН-ын бүлэг цайны завсарлагагүйгээр үргэлжлүүлэн хуралдсан хэвээр байна.

Харин УИХ дахь МАХН-МҮАН-ын Шударга ёс эвслийн бүлгийн хуралдаан удахгүй эхлэх гэж байна. Тус бүлэг Төрийн ордны “В” танхимд хуралдах юм.