2010 онд 11-р анги төгсөгч сурагчид, тэдгээрийн эцэг эхчүүд болон боловсролын байгууллагуудын хүсэлтийн дагуу энэ сарын 26-27 ны өдрүүдэд Мэдээлэл технологийн үндэсний паркт “Боловсрол-Ирээдүй 2010” үзэсгэлэн яармагийг зохион байгуулахаар болжээ. Үзэсгэлэнгийн ерөнхий зохион байгуулагчаар “Монголын сурагчдын эрдмийн хүрээлэн”, “Монголын эцэг эхчүүдийн холбоо”, “Дэлхийн сурагч” сонин,  “Хэрэглэгч хаан” ТББ хамтран зохион байгуулж байгаа аж.

Үзэсгэлэнгийн үеэр нийслэлийн хэмжээнд үйл ажиллагаа явуулж байгаа гадаад, дотоодын их дээд, дунд сургуулиуд, зуслан, сургалтын төв болон харилцан мэдээлэл солилцох боломжийг эцэг эх, сурагчидад  боловсролын байгууллагын үйлчилгээг сурталчилах юм байна. Энэ нь  боловсролын байгууллагууд харилцан мэдээлэл солилцож, их дээд сургуульд элсэгчид эцэг эхийн хамт өөрийн сонгосон мэргэжлээ эзэмших, сургуулиа сонгох боломжийг олгосон үр дүнтэй арга хэмжээ болно хэмээн зохион байгуулагчид хэлж байна.  

П.Наран