Ширээний теннисний өсвөрийн УАШТ-ний шигшээ тоглолт МШТХ дэргэдэх ОЧ төв клубт  2014 оны 04 сарын 03-05-ны хооронд амжилттай явагдаж өндөрлөлөө.

Тэмцээнд нийт хөдөө орон нутгаас 16-н аймаг, хотын 14-н байгууллага нийт 30-н байгууллагын 380 тамирчин 12-оос доош, 13-15, 16-18 гэсэн насны ангиллаар ширээний теннисний 7 төрөл дээр аваргын алт, мөнгө, хүрэл нийт 72 багц медалийн төлөө өрсөлдлөө.

Тэмцээний ерөнхий шүүгчээр Ж.Болд, нарийн бичгийн даргаар Д.Түмэн-Өлзий, тэмцээний хэв журам хариуцсан шүүгчээр Т.Бат-Эрдэнэ, ширээний 11 шүүгч нийт 14 шүүгч тэмцээний шүүлт, оноолтыг хийж, зохион байгуулалтыг хариуцан ажиллалаа.

Тэмцээний техникийн зөвлөгөөн 04 сарын 02-ны 17:00 цагаас Оч төв клубын хурлын танхим дээр хийгдэж тоглолт явагдах систем, нэг бүрчилсэн хэсгийн толгойг хэрхэн тогтоох, мөн хос тоглолтуудыг толгой хийлгүйгээр шууд сугалах зэргийг шийдэж сугалааг хийв. Техникийн зөвлөгөөн дээр ерөнхий нарийн дарга Ч.Амарсанаа, МШТХ-ны Шүүгчдийн зөвлөлийн дарга Т.Бат-Эрдэнэ, тэмцээний ерөнхий шүүгч Ж. Болд, МШТХ-ын хуулийн зөвлөх н.Бат-Эрдэнэ нар байлцав.

Тэмцээний нээлтийн ажиллагаа 04 сарын 03-ны 15.00 цагаас болов. Тэмцээнийг нээж ССАЖЯ-ын Спортын бодлого зохицуулалтын газрын дарга н.Бакетжан үг хэлж амжилт хүсэв. Мөн тэмцээнд оролцож байгаа өсвөрийн тамирчдад тэмцээний ивээн тэтгэгч Green City ХХК-ын гүйцэтгэх захирал н.Энхтуяа, МШТХ-ны дэд ерөнхийлөгч Ц.Гантулга нар баяр хүргэж үг хэлэв. Нээлтийн ажиллагаанд МШТХ-ны ахмадын зөвлөлийн дарга МУ-ын 3 удаагийн аварга Б.Амарсанаа, МУ-ын 8 удаагийн аварга Б.Отгонжаргал, МУ-ын 4 удаагийн аварга О.Цэдэнбалжир, БНАСАУ-ын мэргэжилтэн дасгалжуулагч Чо Ён Хо, е/н/д Ч.Амарсанаа, Оч клубын захирал С.Галбадрах, ерөнхий шүүгч Ж.Болд, Шүүгчдийн зөвлөлийн дарга Т.Бат-Эрдэнэ, МШТХ-ны дасгалжуулагчдын зөвлөлийн дарга Т.Энхтөр нарын хүмүүс байлцав.

Эр эм нэг бүрчилсэн төрөлд 380 тамирчин хасагдах системээр, багийн төрөлд эр, эм 13-15 насны ангилалд 12 хэсэгт хуваагдан группээс 12 баг, эм баг 8-н хэсгээс 16 баг шалгарч хасагдах системээр, 16-18 насны ангилалд багийн төрөлд эр 4 хэсэгт хуваагдаж группээс 2 баг, эм 3 хэсэгт хуваагдан  групээс 2 баг шалгарч, олимпийн хасагдах системээр тоглосон. Хос тоглолтонд нийт эр, эм 30-н байгууллагын 96 хос тамирчин, холимог хос төрөлд нийт 112 хос тамирчин оролцож хасагдах системээр тоглон аваргын алт, мөнгө, хүрэл медалийн эзэд тодорсон.

Төрөл бүрд эхний 3 байр эзэлсэн баг, тамирчдыг хавсралтаас үзнэ үү.

Тэмцээний хаалтын ажиллагаа 04 сарын 05 ны 19.00 цагаас болж шигшээ тоглолтыг хааж МШТХ-ны дэд ерөнхийлөгч А.Мэндбаяр, тэмцээний ивээн тэтгэгч Green City ХХК-ын Гүйцэтгэх захирал н.Дашням нар үг хэлэв. Хаалтын ажиллагаанд тэмцээний ивээн тэтгэгч Green City ХХК-ын захирал Энхтуяа, МШТХ-ны дэд ерөнхийлөгч Б.Галсанбуян, МШТХ-ны ахмадын зөвлөлийн дарга, МУ-ын 3 удаагийн аварга Б.Амарсанаа, МУ-ын 8 удаагийн аварга Б.Отгонжаргал, МУ-ын 4 удаагийн аварга О.Цэдэнбалжир, ахмад тамирчин н.Цогтбаяр нарын зочид байлцаж шагнал гардуулав.

Энэхүү өсвөрийн УАШТ-нд маш олон тоотой тамирчид оролцож 12-с доош, 16-18 насны хөвгүүдийн нэг бүрчилсэн төрөлд аваргын төлөө Хөвсгөл, Орхон болон Сэлэнгэ аймгийн тамирчид өрсөлдсөн нь ширээний теннисний спорт хөдөө орон нутагт бас хүчтэй хөгжиж байгаагийн илрэл боллоо.

Ийнхүү өсвөрийн УАШ ширээний теннисний шигшээ тоглолт ямар нэгэн маргаан будлиангүй зохион байгуулалтын өндөр түвшинд явагдаж өндөрлөлөө.

2014 оны өсвөрийн УАШТ-ний дүн:

Баг:

15-с доош

Эр:

1. СБДүүрэг
2. Сэлэнгэ
3. Чингэлтэй

Эм:

1. Чингэлтэй дүүрэг
2. Спортын сургууль
3. Баянхонгор

16-18

Эр:

1. Чингэлтэй дүүрэг
2. Орхон
3. СБДүүрэг

Эм:

1. Чингэлтэй дүүрэг
2. Орхон
3. Сэлэнгэ

Нэг бүрчилсэн:

12-оос доош

Эр:
                    
1. Г.Сэр-Од /Хөвсгөл/                   
2. Э.Билгүүн /СБДүүрэг/                         
3. Н.Оргил /Шинэ-Эргэлт клуб/                      

Эм:

1. Б.Болор-Эрдэнэ /Чингэлтэй/
2. Ө.Балжинням /Оч клуб/
3. Б.Ариунсолонго /Од клуб/

13-15

Эр:

1. Ч. Эрдэнэбаяр /Чингэлтэй/                         
2. Ө.Лхагва-Эрдэнэ /Чингэлтэй/                      
3. Н.Цэнд-Очир  /СБДүүрэг/                             

Эм:

1. Н. Б.Ундрам /Чингэлтэй/
2. н.Хонгорзул /Баянхонгор/
3. Т.Марал-Эрдэнэ /Спорт сургууль/

16-18

Эр:

1. О.Хүслэн /Орхон/                                             
2. Б.Мягмарсүрэн /Сэлэнгэ/                                   
3. Н.Билэгжаргал  /Хөтөл/

Эм:

1. М.Дэлгэрмаа /Чингэлтэй/
2. Г.Индра /Чингэлтэй /
3. Б.Должинзуу /Орхон/

Эр хос:

Н.Эгшиглэн, Г.Чулуудай / Чингэлтэй /
Ч.Эрдэнэбаях, Ж.Мөнхзориг / Чингэлтэй /
О.Хүслэн, Т.Бат-Эрдэнэ /Орхон /    

Эм хос:

1. М.Дэлгэрмаа, Г.Индра /Чингэлтэй/
2. Б.Азжаргал, Т.Марал-Эрдэнэ  /Спорт сургууль/
3. Э.Цэндсүрэн, Т.Энхжаргал /Сэлэнгэ/

Холимог хос:

1. Г.Индра, Ж.Мөнхзориг /Чингэлтэй /
2. М.Дэлгэрмаа, Г.Чулуудай /Оч клуб /
3. Г.Болор, Л.Мягмарсүрэн / Сэлэнгэ/

БАЙГУУЛЛАГА:

1. С.Галбадрах дасгалжуулагчтай /Чингэлтэй/     –     47  оноогоор    
2. Н.Дагва дасгалжуулагчтай /Сэлэнгэ/     –     85  оноогоор
3. Б.Эрдэнэсувд дасгалжуулагчтай /Баянхонгор/     –     101 оноогоор

Хөдөө орон нутгийн байгууллагын дүн:

1. Н.Ганхуяг дасгалжуулагчтай  /Хөвсгөл/     –     /126 оноогоор/
2. Н.Бөхболд дасгалжуулагчтай /Ховд/     –      /129 оноогоор/
3. Ц.Дүрэвжамц дасгалжуулагчтай /Төв аймаг/     –     /135 оноогоор/