Сочийн олимпийн баатруудын нэг, шорт-трекийн тамирчин Виктор Ан ОХУ-д өөрийн гэсэн орон сууцтай болжээ. Иргэншлээ сольж, БНСУ-аас ОХУ-д очсон түүнд Санкт-Петербург хотын барилгын компаниас 100 кв.метр талбай бүхий орон сууц бэлэглэсэн байна. Тодруулбал, “Князь Александр Невский” гэх орон сууцны хорооллын 35 давхар орон сууцанд түүнд цоо шинэ байр бэлэглэсэн талаар “Советский спорт” мэдээлжээ.

Сочийн олимпиос гурван алтан медаль хүртсэн тэрбээр ОХУ-д очсоноосоо хойш өөрийн гэсэн орон сууцгүй тул Новогорскийн спортын баазад амьдарч байжээ.