Дээд тэнгэртэй харьцдаг хөгжлийн сайд өөрийгөө эзэн хаан гэдэгт жигтэйхэн итгэчихээд байгаа бололтой. Эзэн хааны нэрээр гаргасан бондын мөнгийг захиран зарцуулах эрхийг олгочихсон биш энгийн иргэдэд харагдах нь битгий хэл  танхимын нөхдүүд нь уулзъя гэхээр өдөр судар, цаг нар харна гэж томордог болсон  гэнэ. Ийм хүн яаж эдийн засгийн форумдаа оролцох билээ дээ, тодорхой шүү дээ. Цаг нар, өдөр судар нь таарч тохироогүй юм байгаа биз дээ.  Хүн л юм чинь хааяадаа өрнө, дорны зурхай харж, ажил албаа явуулдаг болох ч төрийн алба, хувийн ажил хоёроо ялгахаа байтал сохорсон сайдыг солиорсон гэхээс өөрөөр дүгнэх аргагүй. 

Бүтэн өвөлжингөө судалсан төсөл  "888" болж таарсан нь зурхай харж, харж буулгасан хамгийн сайн мэргэ нь гэх чинь билээ. Баахан наймтай төслүүдээ өдөр, судар харж байгаад тавдугаар сарын нэгэн балжиням, дашням, батбаяр давхцсан өдрийг сонгосон юм даг уу даа.  Гурван наймыг давхцуулан буулгах нь зурхайд байтугай, шоо хаяад ч боломжгүй зүйл. Дээд тэнгэртэй хүний буулгасан шоо хүртэл учиртай буудаг ч  эдийн засаг болохгүй бүтэхгүй байгаа нь хэлээд өгөх онгод түүнд байхгүй юм байх даа гэж.

“Гудамж” төслийн хүрээнд нийслэлд нэг зоос ч өгөхгүй гээд Э.Бат-Үүл баатарыг  уурлуулж, ухамсарын шанаа авах дөхсөн Н.Батбаяр сайд ухаан суутлаа өдий дэг ээ.   Бонд гэх  их сангийн мөнгөнийг зарцуулах эрхийг олгочихсон биш мань сайд өөрийгөө бараг л Чингис хаан болсон мэтээр төсөөлдөг болж.
  Эрт дээр үед долоон бор огтноН.Батбаяр ах дүү долоон бор оготно амьдран суудаг байжээ гэсэн нэг үлгэр байдаг даа.  Долоон бор оготныүлгэрт гардаг шиг ах дүү 16-гийнхаа элбэж, хөөцөлдөж олсон “атга шар тос”-ыг ганцаараа долоосоор байгаад идчихгүй бол  Н.Батбаяр сайдын хувьд их юм болоод байна аа гэж. 
Атга шар тосыг нь амталсаар байгаа дуусгачихсан хөгжлийн сайдын хөөрөн паянг ирэх сонгуулийн гол үлгэр болж магадгүй байна шүү, Ардчилсан намынхан.  Үлгэр болгон амар сайхандаа жаргадаггүй.

Дээд тэнгэртэй харилцаж эхэлснээсээ хойш сэтгэгцийн жаахан эмгэг, хуучтай болчихоод байгаа  ангийн дүүгээ ах дүү 16 нь “зодоод алчихдаггүй” юмаа гэхэд энд тэнд гал тахиулахыг нь болиулах хэрэгтэй байна. Гал тахисаар байгаад эдийн засагт гал алдчихаад байхад “Сайхан юм бод” гэж зарлигдаж байгаа сайдын солиорлыг яах вэ.  Галзуу хүнд “галзуурчихаж” гэж хэлж болдоггүй гэдэг. Солиотой хүнд солиорчихжээ гэвэл яах бол.