Монгол Улсын Төрийн шагналт яруу найрагч О.Дашбалбар агсны мэндэлсний 57 жилийн ойг тохиолдуулан түүний нэрэмжит “Эх орон-Оюун санаа-Яруу найраг” наадмыг Сүхбаатар аймагт зохион байгуулахаар болжээ. Дөрөвдүгээр сарын 19-20-нд тус аймгийн “Жаахан шарга” театрт болох тус наадмын шүлгийг дөрөвдүгээр сарын 15-ныг хүртэл Eenee18@gmail.com хаягаар авах бөгөөд оролцогчид 2-3 шүлгээ ирүүлэх боломжтой аж. Наадам яруу найраг, уран уншлага гэсэн хоёр төрлөөр болж, яруу найргийн төрөлд тэргүүн байр эзэлсэн уран бүтээлчийг нэг сая төгрөгөөр байлах юм байна.