Daily Telegraph сонины мэдээгээр Цагаан ордны тамгын газрын дарга Рам Эммануэль хэдэн сарын дотор албанаасаа явж  магадгүй. Хэрэв тэр нь үнэн бол Израильд амар байх юм гэнэ. Эммануэль Израилийн ерөнхий сайд Нетанияху-д шахалт үзүүлэн ханддаг бөгөөд харин Обама асуудлуудад тайван хандахыг зорьдог. Тэдний энэ ялгаа нь Эммануэлийг явахад хүргэж байгаа бололтой.
Вашингтоны өндөр тушаалтнуудын зөрөлдөөний улмаас тэрээр 6-8 сарын дотор албаа орхиж магадгүй. Ерөнхийлөгч Обаматай сайн харилцаатай  ч цагаан ордоны бодлогыг өөрчилж чадаагүйдээ Рам Эммануэль сэтгэл дундуур байгаа гэнэ. Ялангуяа саяхан тэрээр АНУ-ын Эрүүлийг хамгаалахын шинэчлэлийн асуудлаар Ардчилсан намын лидерүүдтай сөргөлдсөн гэнэ.