“Петрочайна Дачин Тамсаг” компанийн 19 дүгээр талбайн ачилтын хэсэгт гарсан галын улмаас тээвэрлэлт нь долоо хоногийн хугацаанд 90 хувиар буурсан байна. Харин ачих хэсгийн байгууламжийн гэмтлийг энэ сарын 17-нд засварлаж дууссаныг Газрын тосны газрын Ашиглалтын хэлтсийн дарга Р.Жамсран мэдээллээ. Сэргээн засварлах ажил дууссанаас хойш өдөрт дунджаар 85 машинаар 2125 тонн нефть тээвэрлэсэн талаар Газрын тосны газраас мэдээллээ.

“Петрочайна Дачин Тамсаг” компанийн хувьд нийт 375 олборлолтын цооногтойгоос одоогоор 325-ынх нь үйл ажиллагааг хэвийн явуулж байгаа ажээ.