Ү.Үүрийнтуяа найм дахь удаагаа түрүүллээ

Улсын найман удаагийн аварга "Хан Алтай" клубын тамирчин СДМЭ Ү.Үүрийнтуяа.

Өсвөрийн шатарчдын 2014 оны Улсын аварга шалгаруулах тэмцээн Нийслэлийн ерөнхий боловсролын 23 болон 50-р дунд сургуулиудад гуравдугаар сарын 29-31-ны өдрүүдэд амжилттай явагдаж өндөрлөлөө.

Хөвгүүдийн 44 дэх, охидын 38 дахь удаагийн улсын аварга шалгаруулах тэмцээнийг Монголын шатрын холбоо, Байгаль орчин, ногоон хөгжлийн яам, Байгаль хамгаалах сан, Нийслэлийн шатрын холбоо хамтран зохион байгуулав.

Тэмцээн 8 хүртэлх нас, 9-10 нас, 11-12 нас, 13-14 нас, 15-16 нас, 17-18 нас гэсэн зургаан насны 12 ангилалд 21 аймаг, нийслэлийн 9 дүүрэг болон Улаанбаатар хотын 20 орчим байгууллагын нийт 582 өсвөрийн шатарчид оролцлоо.

Багийн дүнгээр Д.Шаравдорж дасгалжуулагчтай "Хан Алтай" шатрын клуб гурван алт, нэг мөнгө, хоёр хүрэл медаль хүртэж, нийт 13 оноогоор тэргүүлсэн бол Х.Эрдэнэдорж дасгалжуулагчтай "Цэцэн нүүдэл-ЧД" шатрын клуб (2 алт, 1 хүрэл) 7 оноо, Н.Баттулга дасгалжуулагчтай Орхон аймгийн "Хангарьд" спорт клуб (2 алт) 6 оноогоор тус тус удааллаа.

Энэ оны Улсын аварга шалгаруулах тэмцээнд "Урамтай шатар" клубын тамирчин, сурагчдын дэлхийн аварга ФДМ Е.Төгстөмөр, "Хангарьд" спорт клубын тамирчин, cонирхогчдын Дэлхийн аварга ФМЭ Б.Янжинлхам, "Хан Алтай" клубын тамирчин СДМ Э.Болдоо нар хоёр дахь удаагаа, "Хан Алтай" клубын тамирчин Ү.Агьбилэг тав дахь удаагаа, "Цэцэн нүүдэл-ЧД" клубын тамирчин, cурагчдын Дэлхийн аварга ФМ Ц.Лхагвасүрэн зургаа дахь удаагаа тус тус түрүүлсэн бол "Хан Алтай" клубын тамирчин СДМЭ Ү.Үүрийнтуяа "найм" дахь удаагаа түрүүлж өөрийн эзэмшдэг дээд амжилтаа шинэчиллээ.

Манай өсвөрийн тамирчдыг ирэх зургаадугаар сард Макао улсад зохиогдох сурагчдын Азийн АШТ, Узбекистан улсад зохиогдох өсвөрийн шатарчдын Ази тивийн АШТ-үүд хүлээж байна.

Ингээд тэмцээний эхний байруудад шалгарсан тамирчдыг танилцууля.

8 хүртэлх нас хөвгүүд

1. ФДМ Есөнтөмөр ТӨГСТӨМӨР /Урамтай шатар & M Oil/
2. Чинбат ЧИНТҮШИГ /Хан Алтай/
3. Хэрлэн ТЭМҮҮЖИН /Хан Алтай/

8 хүртэлх нас охид

1. Баянмөнх АМИН-ЭРДЭНЭ /Сэлэнгэ/
2. Даваахүү МӨНХЗУЛ /Шатар 64/
3. Наранбаатар СОД-ЭРДЭНЭ /Сүхбаатар аймаг/

9-10 нас хөвгүүд

1. ФДМ Ганзориг АМАРТҮВШИН /Цэцэн нүүдэл-ЧД/
2. Батжаргал ИРМҮҮНТУЛГА /Мончесс/
3. Дамбасүрэн БАТСҮРЭН /Төгс нүүдэл/

9-10 нас охид

1. Бат-Эрдэнэ МӨНГӨНЗУЛ /Хангарьд/
2. Батхишиг УДВАЛ /Багануур/
3. Ганганбарс МАРАЛГУА /Багануур/

11-12 нас хөвгүүд

1. Ёндонжамц ЭРДЭМДАЛАЙ /Төгс нүүдэл/
2. Отгонбаяр ЧИНГҮҮН /Гобичесс/
3. Сугар ГАН-ЭРДЭНЭ /Оюунлаг шатар/

11-12 нас охид

1. Очирхуяг ӨЛЗИЙХИШИГЖАРГАЛ /Шатар 64/
2. ФМЭ Төрмөнх МӨНХЗУЛ /Монгени/
3. Мягмарсүрэн МАНДУХАЙ /Хан Алтай/

13-14 нас хөвгүүд

1. Үүрцайх АГЬБИЛЭГ /Хан Алтай/
2. Одгэрэл АЛТАНГЭРЭЛ /Багануур/
3. Цогбаяр БАТ-ЭРДЭНЭ /Төгс нүүдэл/

13-14 нас охид

1. Батсайхан ОТГОНСУВД /Говь-Алтай/
2. Ганхүү АЛТАНЗУЛ /Зууны шатар/
3. Батцоож АМИНА /Төгс нүүдэл/

15-16 нас хөвгүүд

1. СДМ Эрдэнэпүрэв БОЛДОО /Хан Алтай/
2. Гижир МӨНХБАЯР /Мончесс/
3. Баатардорж БАТХИШИГ /Цэцэн нүүдэл-ЧД/

15-16 нас охид

1. СДМЭ Үүрцайх ҮҮРИЙНТУЯА /Хан Алтай/
2. СДМЭ Сарантуяа ЖАРГАЛМАА /Сэлэнгэ/
3. Ганбаатар БОЛОРСАН /Хэнтий/

17-18 нас хөвгүүд

1. ФМ Цэдвээ ЛХАГВАСҮРЭН /Цэцэн нүүдэл-ЧД/
2. ФМ Энхбаатар ЭНХНАР /Сүхбаатар аймаг/
3. СДМ Хүрэлчулуун БАЯРХҮҮ /ЭМШУИС/

17-18 нас охид

1. ФМЭ Баярсайхан ЯНЖИНЛХАМ /Хангарьд/
2. Балжинням ОЮУНБОЛОР /Хэнтий/
3. Цогтбаатар АМАРБИЛЭГ /Багануур/ тус тус шалгарлаа.

Е.Төгстөмөр /8 хүртэлх эр/