Олон хит дуугаараа дэлхийн хөгжмийн ертөнцөд нэр алдраа цуурайтуулсан Black Eyed Peas хамтлагийн I Gotta Feeling дуу Их Британийн түүхэнд нэг саяас дээш хувь интернэтээр татагдсан /download/ анхны дуу болжээ. 2009 оны зургадугаар сарын 8-нд албан ёсоор цацагдаж эхэлсэн энэхүү дуу тухайн үедээ жинхэнэ сенсаци тарьж, топ 40 синглийн жагсаалтыг хоёр долоо хоногийн турш тэргүүлж, топ 40-ийн жагсаалтад нийт 33 долоо хоногийн турш багтаж байжээ.