Өнгөрсөн нэгдүгээр сард Монгол-Оросын хамтарсан III сургуулийн 150 гаруй сурагч хоолны хордлогод орж, нилээд асуудал үүссэн билээ. Энэ  асуудлын хариуцлагыг тус сургуулийн захирал Ж.Соронзонг хүлээх ёстой хэмээн салбарын сайд үзэж, түүнийг захирлын суудлаас чөлөөлөх шийдвэр гаргасан. Гэвч энэ шийдвэрийг Ж.Соронзон захирал хүлээн зөвшөөрөлгүй, Сүхбаатар дүүргийн шүүхэд хандсан юм. Анхан шатны шүүхийн шийдвэр Ж.Соронзон  захирлын талд гарсан тул эл шийдвэрийг БСШУ-ны сайд эсэргүүцэн, давж заалдах шатны шүүхэд хандсан байна.

Нийслэлийн шүүх өнөөдөр уг хэргийг хэлэлцээд Монгол-Оросын хамтарсан III сургуулийн захирал Ж.Соронзонг гэм буруугүй гэж үзжээ. Иймээс БСШУ-ны сайдын давж заалдах шатны шүүхэд хандсан эсэргүүцэл хүчингүй боллоо.
 
П.Наран