БНСУ-ын Асан хотод өнгөрөгч ням гаригт /03.30/ зургаан монгол залуу зам тээврийн осолд орж, дөрөв нь нас барсан харамсалтай хэрэг гарсан. Ослоос амьд үлдсэн хоёр залуу эмнэлэгт хүргэгдсэн бөгөөд нэг нь анхны тусламж авч, гадуур эмчлүүлж байгаа аж.

Жолоо барьж байсан А нь бусдын машиныг мөргөж, хэргийн газраас зугтаасан хэргээр өнгөрөгч оны тавдугаар сарын 20-ноос хойш Чонан хотын цагдаагийн газраас эрэн сурвалжлагдаж байсныг мэдэгдлээ. Мөн эдгээр иргэдийг гэрээгээр болон хараар ажиллаж байсан эсэх, ослын шалтгааныг тус улсын цагдаагийн газраас шалгаж байна.