Буудлага спортын дэлхийн цомын тэмцээн АНУ-ын Форт Бенин хотод эхэллээ. Энэ сарын 28-нд эхэлсэн тус тэмцээнд манай улсаас олон улсын хэмжээний мастер Ц.Мөнхзул, Н.Баяраа, Э.Даваахүү, О.Янжинлхам нарын тэргүүтэй найман тамирчин, гавьяат дасгалжуулагч Л.Ундралбат, багийн ахлагч Үндэсний шигшээ багийн албаны дарга Ч.Эрдэнэтуяа нарын удирдлагад оролцож байна. Тэмцээний эхний өдөр хийн урт бууны “ХБ-6” дасгалд “Лондон-2012” олимпод эх орноо төлөөлөн оролцсон олон улсын хэмжээний мастер Н.Баяраа 66 буудагчаас 621.7 оноогоор 20, хийн гар бууны ХГ-4 дасгалд Зүүн Азийн наадам болон Азийн аварга Ц.Мөнхзул 371 оноогоор 47 буудагчаас 33 байрт оржээ.