Замын цагдаагийн газраас жил бүр нэг өдрийг “Автомашингүй өдөр” болгон зарладаг. Өнгөрсөн жилийн яг энэ өдөр буюу 2013 оны гуравдугаар сарын 31-ний өдөр нийслэлийн төв хэсэгт авто машин зорчихгүй байхаар зохицуулалт хийж, “Автомашингүй өдөр”-ийг тэмдэглэж байсан билээ.

Тэгвэл энэ жил автомашингүй өдрийг зургадугаар сарын 7-ны бямба гаригт зохион байгуулахаар болсон байна. Эл өдөр нийслэлийн иргэд авто машинаас татгалзаж,  явган алхах, унадаг дугуйгаар зорчих зэрэг ажлыг зохион байгуулах юм. Мөн хүүхдүүдийн дунд зургийн уралдаан зарлаж, Замын цагдаагийн газар нээлттэй ажилладаг уламжлалтай.