УИХ-ын гишүүн О.Баасанхүү гишүүн болсон цагаасаа эхлэн Хууль зүйн сайд Х.Тэмүүжинтэй “хүч үзэх” болсон. Хууль зүйн сайдын зарим үйлдлийг эсэргүүцэж, хамгийн их шүүмжилдэг хүн нь О.Баасанхүү гишүүн. Тэгвэл саяхан Х.Тэмүүжин сайдыг огцруулах хүсэлтийг УИХ-ын даргад өгөх байсан ч хүлээж аваагүй гэсэн мэдээллийг өгөөд байсан.

Тэгвэл О.Баасанхүү гишүүн ирэх сарын 7-нд нээлтээ хийх хаврын чуулганы хуралдаанд Х.Тэмүүжин сайдыг огцруулах асуудлыг дахин тавиахаар болсон байна. Энэ хаврын чуулган хэлэлцэх асуудлын жагсаалтаа батлах, аудитын шалгалтын дүнг хэлэлцэх гээд ажил ихтэй эхэлж байгаагийн зэрэгцээ Хууль зүйн салбарын томоохон шинэтгэл хийж байгаа сайдыг огцруулах дуулиантай, ширүүхэн чуулган эхлэх нь дээ.