Шударга өрсөлдөөн, хэрэглэгчийн төлөө газраас долоо хоног бүр кино театруудаар гарч байгаа уран сайхны киноны орлогыг олон нийтэд зарладаг болсон. Тэгвэл энэ долоо хоногт 23 сая төгрөгийн орлого олсон/нийт-428,261,918/ “Аз жаргалын шок” инээдмийн уран сайхны кино жагсаалтын нэгдүгээр байрт орсон бол “Хязгааргүй” уран сайхны кино 12,7 сая төгрөгийн орлогоор/нийт-84,689,677/ хоёрдугаарт жагсчээ. Энэхүү жагсаалтын гуравдугаарт “Алсын удирдлага” кино нэг сая төгрөгийн орлого/нийт-14,132,794/ олсоноор орсон байна.