Манай улсын зам, барилга, бүтээн байгуулалтын цаг бусад улсуудтай харьцуулахад хязгаарлагдмал байдаг. Энэ нь мэдээж цаг агаарын нөхцөл байдалтай холбоотой юм. Харин энэхүү бүтээн байгуулалтын цаг эхэлж байгаатай холбоотойгоор зарим нэгэн гүүр, замыг хаахаар болжээ.

Үүний нэг нь Дунд голын хос гүүр юм. Нийслэлийн Хан-Уул дүүрэг, Ажилчны гудамж, Дунд голын хос гүүрийн хуучин гүүрийг /баруун талыг/ ирэх сарын 01-ний өдрөөс гурван сарын хугацаанд хааж, засварлахаар болжээ. Тиймээс зүүн талын гүүр сөрөг хөдөлгөөнтэй зохион байгуулагдахаар болсон байна. Харин ХААИС-ийн зүүн хойд уулзвараас Зайсан толгойн зүүн хойд уулзвар хүртэлх авто замыг ирэх даваа гаригийн 10:00 цагаас тавдугаар сарын 01-нийг хүртэлх хугацаанд зорчих хэсгийг бүрэн хааж,зам засварын ажил хийхээр болжээ.