УИХ-ын намрын чуулганаар баталсан Хилийн боомтын тухай хуулийн хэрэгжилт ирэх сарын 1-нээс эхэлнэ. Энэ хүрээнд БНХАУ, Монгол Улсын хилийн боомтын хүнд суртлыг арилгах замаар уул уурхайн салбарын тээвэрлэлтийг хөнгөвчлөх талаар Уул уурхайн яамнаас онцоллоо.

Тодруулбал, уг хууль хэрэгжиж эхэлснээр шинээр найман авто зам ашиглалтад оруулж, 12 урсгалаар нэвтрүүлдэг болсон бөгөөд ингэснээр өдөрт 1500 машин нэвтэрдэг болох ажээ. Хилийн боомтуудад нэг цонхны үйлчилгээг нэвтрүүлж, хил, гааль дээр шаардлагатай 11-13 төрлийн бичиг баримтыг 2-4 болгож цөөлөх юм байна. Түүнчлэн Ганцмод Гашуунсухайт боомт цайны цагийн завсарлагаагүй болгож, 24 цагаар ажиллах, ачаа тээврийн жолооч нарын виз, бүртгэлийг цахимжуулж, хурууны хээгээр хил нэвтрүүлдэг болох юм.