ОХУ-ын нийслэл Москва хотноо Олон улсын жүдо бөхийн холбооны “Их дуулга” ангилалд багтах 154 мянган ам.долларын шагналын сантай тэмцээн ирэх сарын 3,4-нд болно. Тус тэмцээнд манай улсаас олимпийн аварга Н.Түвшинбаяр, дэлхийн аварга Х.Цагаанбаатар, С.Мияарагчаа тэргүүтэй Монголын жүдо бөхийн шигшээ багийн тамирчид бүрэн бүрэлдэхүүнээрээ оролцох юм.

Тэмцээний мэдүүлэг хүлээн авах хугацаа 21-нээр дуусгавар болсон бөгөөд одоогоор тэмцээнд оролцох тамирчдын тоо хараахан тодорхойгүй байна.

Энэ жилийн гурав дахь “Их дуулга”-ын цуврал болох Москвагийн тэмцээнд түрүүлсэн тамирчин 5000, мөнгөн медаль хүртвэл 3000, харин хүрэл медаль хүртсэн тамирчид тус бүр 1500 ам.долларын мөнгөн шагнал хүртэх ажээ.

Дашрамд сануулахад, энэ жилийн дөрөв дэх буюу сүүлийн “Их дуулга”-ын тэмцээн ирэх арванхоёрдугаар сард Токио хотод болох юм.

С.Цэлмэг